 |
Hirıs u heşt ra ver hardê ma Hardê Dewresu bi, Asmenê ma wayirê sıtaru, Raa ma raa Xızıri
ma keşre meverde. Koye QIZILBEL Mekan Gureto
|
Hirıs u heşt ra ver hardê ma Hardê Dewresu bi,
Asmenê ma wayirê sıtaru, Raa ma raa Xızıri
Hirıs u heşt ra ver ma samia merdu dêne,
Kewraêni de govende guretêne, zonê xo qesêy kerdêne
Hirıs u heşt ra ver ma kou ra nejdi bine,
Va ra cüyni vay dêne, heni ra ağwe sımıtene
Hirıs u heşt ra ver ma hegaê xo ramıtêne,
Şüya goze de şine hewna, zımıston xorê sanıki gos dêne
Hirıs u heşt ra ver ma merdene Eskerune Avdıl Mısay ra zonêne,
Hirıs u heşti de ma eve qersunê dewlete merdime
Hirıs u heşti de Ağlerê Dersımi esti dare, Pil u qıcê ma amey kiştene,
Hirıs u heşti de keşi vengê ma nehesna, Çheme Munzuri marê bervene,
Hirıs u heşti ra thepia, ğeribiye biye bextê ma,
Kamiya xo, zon u iqrarê xo, xo virra mekerime
Hirıs u heşti ra thepia, ewro ki Hardê Dewresu thengiye dero
Dewune xo xovirra mekerime, Munzuri re wayır bıvecime!
Hirıs u heşt ra thepia, vijer ewroo, ewro vijero
Uncia dewê ma tholê, Şüya tıfongu serê Hardê Dewresu serowa
Hirıs u heşt jivaena Dersımiyo, bekesiya Munzuri
“Hirıs u heşt zerrê made kergana,
Biya xo virri bıra, xo virra meke!”.
 |
Désım de, Êli ki, dewrés zonino O ki, ro u can ra cende wajino Çü déy dest de şimşéro, fetelino Şimşéré dewréş ra, kes nékişino |
ROÊ DEWRÊSU
Ma! yé dewrésu, roé é kouno
Qesé dine ki, teverıké jiaruno
Her qom ho ré wayiré sayiruno
Désim tımutım caé dewrésuno
Désım de, Êli ki, dewrés zonino
O ki, ro u can ra cende wajino
Çü déy dest de şimşéro, fetelino
Şimşéré dewréş ra, kes nékişino
Dewrés ve fam u feraseté huyo
Bé aqıl u bé izan; dewrés niyo
Désım de keşi hona qe nédiyo
Dewrés, roé Désım ra duri şiyo
Dewrés poşti nékeno baré sari
Çıqa ke isoniye ré unceno qari
Dewréşi qomé ho ré xızmetkari
Zoné pi u khalıki ra duadari
Dısmen çıqa wayiré hekmetuno
Désımız ke hawuré na qesuno
Dewresé ho wayiré kırametuno
Roé jiaruné ho ra duri nékuno
Torné Thuji wayiré lawukuno
Tımutım tabiyé jiar u diyaruno
Hem ki ravané raa dewrésuno
Qom u zoné ho ra duri nékuno
Torné Thuji
 |
Roştia bîmbarekia virene erzena gîle sîma ser Sarè sima o berz gîneno riè asmeni Ez sima ‘ra se vajine Sima ‘ra sare wederdaéna mî esta |
Koé Munzuri ame ra zon
Koé Munzuru berze delalé
Keş’ra saré hu nê dane wuar
Raé qeitan dismenî nê danê
Ez zonon zof rînd zonon
Ezik Munzura o
Ax ve mîrovo Koé Munzur
mi qê sîma nas nê kerdene
Roştia bîmbarekia virene erzena gîle sîma ser
Sarè sima o berz gîneno riè asmeni
Ez sima ‘ra se vajine
Sima ‘ra sare wederdaéna mî esta
Der u khule mine girani estê
Bervis û şoara mî esta
Sima ‘ra qaraise mî i esto
Kuyo koé Munzurî sima qe ne xelesna
Jî Dakila zere vêsaié
Ji Bakili vala hu haskerdene
Ji Xiziri boji guretene
Sima Vostena ji brai nèe vi?
Ekhe henio sima çina ‘re ne xelesna?
Sima çina ‘re nê xelesna zeria min a bélé
Derdgirania min
şoara mî
Qraise mî
Niade deste mi vile sima dero
Sima ne xelesna zeria min a bélé
Berd Xainu’re da werdene
Ez sei û bê kess mendu na dina de
Cutir deste tu şî ci,
Sima nê xelesna zeria min bélé
Adir koto zer û piskhe mî hen vêsene khe
Sima ra sare verdaise mi esto
Sima ne xelesna xainu re berd kerd werd
Ax zeria min a bele ax
Rée nia mî nia de
sare hu we da
Munzuri amera zoni
Mi ve to ‘ra qesei kene
Çerenia to
Coamerdia to perodaiskaria to qesei kene
Zerevêsaia to
Mordemia to qesei kene
Dersim’ra haskerdena to
Mordemia ‘ra ittiqate to qesei kene
Huaise tu yo rindek
Zeria min a bélé Tu qeseikene Koé Munziri
Na dina de Tu famkerdene
Rastia to n i ne ra zon eve qesu
Çikenia mi
Zeria min a bele ra gonni sona
Ax cigera mi ax
Reina to né vindaéne
Dest to ‘ra nê daéne
To nê vindane
Ez to ra haskerdena to ra mirdi ne bio
Ax zeria min a béle ax
Taé Vane yeno ra mî viri
Zu qese esto
Vane Tu raurze ez bimri hurendia to de
Ax zeria min a béle ax
Fîre mi khe bi vo reina to wess kerdene
Reina Tu raustene
Ez tu vera hozor rée bî merdene
Tu sare wedardaise min a
Tu qaraise min a
Tu şoara min a
Elif ORHAN
|
|
|
